जीवनका धुनहरू

हाँगामाथी सुस्तरी टेकेर

हिउदमा सुकेर, झरीमा रूझेर

यि पाइला हुन् कि फूलहरू

फूल्दै गाउछन्, जीवनका धुनहरू

कहिले ग्रहण, कहिले खुशी

पूर्णे आउछ, आउछ अौसी

अँधेरीमा चाँदनी छरेर

तारासँग मिलेर, रातसँग लडेर

जूनले फुक्छ बिगुलहरू

फूक्दै गाउछ, जीवनका धुनहरू

खाल्डा-खुल्डी कति-कति यात्राभरी

चोट - खत - दाग होला मनभरी

मनको खालीपनलाइ पुरेर

छहारीले घेरेर, दुखलाइ छेकेर

चौतारीका शीतल पलहरू

सधै गाउछन्, जीवनका धुनहरू