मैले छुदा...

मनमा सबको देउतै त हुन्छ - सुनेथे

सबै मान्छे एउटै त हुन्छ - सुनेथे

तर सत्य बेग्लै हुदो रै'छ

छुन्न म आसु, मैले छुदा विष बन्दो रै'छ 

हास्छ मूर्ती - मैले खोपेको पत्थरको मूर्ती

बाँच्न देउ मलाइ, खै मेरो आकाश, मेरो धर्ती ?

मलाइ मान्छे नमान्ने, यो देउता म मान्दिन

मलाइ मान्छे नठान्ने, समाज म चिन्दिन

यो हावा, यो पानी, साझा त हुन्छ - सुनेथे

निराशामा नि आशा त हुन्छ - सुनेथे

सुनेजस्तो संसार नहुदो रै'छ

छुन्न म आसु, मैले छुदा विष बन्दो रै'छ