Showing posts with label आलेख. Show all posts
Showing posts with label आलेख. Show all posts

साभार: नेपाल राष्ट्र बैंक समाचार (भाद्र, २०७८)

(नेपाल राष्ट्र बैंक, गभर्नरको कार्यालयद्धारा प्रकाशित 'मिर्मिरे', आर्थिक विशेषाङ्क (२०७६ माघ-२०७७ असार) बाट साभार)

नेपाल राष्ट्र बैंक ऐन २०५८ आउनु पूर्व नेपालको केन्द्रिय बैंक नेपाल राष्ट्र बैंक रुपमा स्वायत्त देखिएतापनि सारमा सरकारको प्रत्यक्ष अन्तर्गतमा रही सरकारको एउटा अंगसरह नै कार्यसम्पादन गर्दै आएको थियो । स्थापनाकालदेखि सो समयसम्म वित्तीय क्षेत्रको जति पनि नियमनकारी भूमीका खेल्न खोजेपनि सो त्यति प्रभावकारी बन्न सकेको थिएन । अन्तर्राष्ट्रिय परिवेश र दबाबपछि बल्ल नेपाल राष्ट्र बैंक ऐन २०५८ आयो र तबपश्चात नेपाल राष्ट्र बैंक पनि एक स्वायत्त केन्द्रिय बैंकको रुपमा प्रभावकारी हुदै गएको सर्ववितितै छ । यो ऐन नै नेपाली समग्र अर्थतन्त्र र वित्तीय स्थायीत्वका लागी कोशेढुँगा सावित भयो र नेपालमा पनि वित्तीय क्षेत्र झन–झन संस्थागत र विश्वसनीय बन्दै गयो । पछिल्ला केही दशकमा वित्तीय क्षेत्रले जे जति सकारात्मक परिमार्जन, विकास र प्रगती गर्दैछ, त्यसमा मूख्यतः नेपाल राष्ट्र बैंकको भूमिका रह्यो भने नेपाल राष्ट्र बैंकले केन्द्रीय बैंकको रुपमा स्वायत्त तवरले कार्य गर्न सक्नु पनि प्रमूख कारक रह्यो ।

संसारभरका केन्द्रिय बैंकहरु र सम्बन्धित देशको वित्तीय स्थायित्वलाई तथ्यगत हिसाबले तुलना गर्ने हो भने तीनै देशहरुमा बढी वित्तीय स्थायित्व र अनुशासन छ, जून देशका केन्द्रिय बैंकहरु बढी स्वायत्त छन् । समग्र अर्थतन्त्रलाई सहि दिशामा चलायमान गर्न र वित्तीय क्षेत्रमाथी आम जनमानसमा विश्वास जगाउनु नै वित्तीय स्थायित्वको मूख्य मानक हो । वित्तीय स्थायित्व नहुने हो भने आम सर्वसाधारणले बैंक तथा वित्तीय संस्थालाई पत्याउन छोड्छन् , ती बैंक तथा वित्तीय संस्थामा बचत राख्न छोड्छन्, भएको पनि झिक्छन् र समग्र बैंक तथा वित्तीय संस्थामा बैंकिङ दौड (Bank run) शुरु हुदै अर्थतन्त्रका तमाम क्षेत्रहरुमा समेत प्रत्यक्ष तथा अप्रत्यक्ष रुपले नकारात्मक असर पर्न थाल्छ । फलस्वरुप समग्र अर्थतन्त्रले नै घुँडा टेक्नुपर्ने हुन सक्छ । तसर्थ केन्द्रिय बैंकले लिने नितिले वित्तीय स्थायित्वलाई नै प्रमूख उद्देश्य बनाएको हुन्छ र सो प्राप्त गर्नका लागी केन्द्रिय बैंकको स्वायत्तता प्रमूख सर्त हुन जान्छ ।

वित्तिय निति र मौद्रिक नितिबिचको ‘शक्ति सन्तुलन’

सरसर्ती साधारण नजरले हेर्ने हो भने सरकारले जारी गर्ने वित्तीय निति र केन्द्रिय बैंकले जारी गर्ने मौद्रिक नितिका कतिपय उद्देश्यहरु एउटै पनि देखिने गर्छन् । तर मौद्रिक निति मूख्यतः वित्तीय स्थायीत्वको लागी अग्रसर हुने गर्दछ भने सरकारले जारी गर्ने वित्तीय निति चाहि समग्र अर्थतन्त्रको आर्थीक वृद्धि र विकासलाई मूख्य उद्देश्य बनाएर जारी हुने गर्दछ । सरकारले जारी गर्ने वित्तीय नितिमा समग्र अर्थतन्त्रको आकार कसरी बढाउने, कसरी पूजीगत खर्च बढाउने, कसरी रोजगारीको थप सृजना गर्ने, आवश्यक स्रोतसाधनहरुको व्यवस्थापन र बाँडफाड कसरी गर्नेजस्ता कुराहरु समेटिएका हुन्छन् । केन्द्रिय बैंकले जारी गर्ने मौद्रिक नितिमा चाहि समग्र अर्थतन्त्रमा हुने आर्थीक गतिविधिलाई मुद्रा, बैंकिङ सेवाद्धारा सहजिकरण गर्दै त्यसबाट पर्न सक्ने प्रभावलाई बेलैमा आकलन गरी मुद्रास्फ्रिती, मुद्रा आपूर्ती तथा ब्याजदरलाई सीमा भित्रै राख्नु र समग्र वित्तिय क्षेत्रमा हुनसक्ने जोखिम न्यूनिकरणका लागी मौद्रिक उपकरणहरुलाई सहि तवरले कसरी परिचालन गर्ने भन्ने जस्ता कुराहरु समेटिएका हुन्छन् । यसको मतलब सरकार आर्थीक वृद्धिका लागी जति पनि खर्च गर्न तर्फ लाग्छ, अझ चरम घटना वा उदाहरणहरु हेर्ने हो भने त जति चाहियो त्यति मुद्रा छाप्न लगाएर भएपनि खर्च गर्न तयार हुन्छ । अर्कोतर्फ केन्द्रिय बैंकले अर्थतन्त्रको समग्र आकार र देशको समग्र आन्तरिक तथा बाह्य सम्पति तथा उत्पादनले धान्ने सम्म मात्र मुद्रा छाप्ने र बजारमा सो अनुरुप मुद्रा पठाउने तथा नियन्त्रण गर्ने गर्दछ । रुपमा केही उद्देश्यहरु मिल्न गएको देखिएतापनि सारमा वित्तिय निति र मौद्रिक नितीले एक अर्काको ‘आर्थीक शक्ति सन्तुलन’ को कार्य गर्ने गर्दछन् ताकी आर्थीक वृद्धि पनि हासील होस् र वित्तिय स्थायित्व पनि कायम रहोस् । यदि केन्द्रिय बैंक स्वायत्त नहुने हो र आर्थीक शक्ति सन्तुलन तथा अनुशासनमा खलल पुग्ने हो भने अर्थतन्त्रले धान्नै नसक्ने गरी वित्तीय स्थायित्वमा दुर्घटना हुने पनि उत्तिकै सम्भावना हुन्छ । संसारमा यस्ता थुप्रै आर्थीक संकट या भनौ आर्थीक दुर्घटनाका उदाहरण छन् जून ‘आर्थीक शक्ति सन्तुलन’ को अभावले भएका छन् । जिम्बाब्बेको घटना होस् या भेनेज्वयलाको संकट, केन्द्रिय बैंकले स्वायत्त तरिकाले काम गर्न नसक्दा अन्तत्वः अर्थतन्त्र दुर्घटनामा जाने सम्भावना प्रबल हुन्छ ।

जवाफदेहिताको सवाल

पछिल्लो पटक बढी उठ्दै गरेको विषय भने नेपाल राष्ट्र बैंक अर्थात केन्द्रिय बैंकको जवाफदेहिताको हो । सरकार संसदप्रति, संसद जनताप्रति जवाफदेही भएजस्तै केन्द्रिय बैंक पनि कोही न कोही प्रति किटानीका साथ जवाफदेही हुनुपर्दछ भन्ने आवाज पनि एकातिर उठिरहेको छ । केन्द्रिय बैंकले सम्पूर्ण बैंक तथा वित्तीय संस्थाहरुलाई संस्थागत सुशासन लगायतका कुराहरुमा लगाम लगाइरहदा आफू पनि कतै न कतै त बाधिनुपर्छ भन्ने विषय पनि नउठेको होइन । पक्कै पनि केन्द्रिय बैंक सदैव जवाफदेही स्वायत्त संस्था हो र यसले आजका मितिसम्म समग्र निति, कानुन तथा आम सर्वसाधारणको आकांक्षा तथा राज्यको कानुनी व्यवस्थाको अधिनमा रही केन्द्रिय बैंकले गर्नु पर्ने कार्यहरु कुशलताको साथ पूरा गरिरहेकै छ । पछिल्ला केही दशकहरुको विकासक्रमलाई राम्ररी केलाउने हो भने आम जनताले पनि बुझ्ने कुरा के हो भने नेपालमा सबैभन्दा व्यवस्थित तथा विकसित क्षेत्र भनेको बैंकिङ क्षेत्र हो र सो क्षेत्रलाई झन झन सबल, संस्थागत र विश्वसनीय बनाउन नेपाल राष्ट्र बैंकले सदैव जिम्मेवारीपूर्वक प्रमूख भूमिका खेलेको छ । नेपाल राष्ट्र बैंक नेपालको केन्द्रिय बैंकको रुपमा क्रमशः झन झन जिम्मेवार हुदै अन्तर्राष्ट्रिय रुपले स्विकारिएका निति नियम तथा मापदण्ड अनुसार नै विकसित हुदै गइरहेको छ र नेपालका समग्र बैंक तथा वित्तीय संस्थाहरुको नियमक संस्था तथा सुपरिवेक्षकको भूमीकामा आफूलाई निरन्तर परिस्कृत पनि गर्दै गइरहेको छ । ‘स्वायत्तता’ र ‘जवाफदेहिता’ लाई एउटै परिभाषाको रुपमा बुझिदा केही अपमन्जस्यता भने पक्कै पनि देखिन गएको छ । जवाफदेहिताको नाममा अन्तर्राष्ट्रिय रुपले अंगीकार गरिएका स्वायत्तताका अंग तथा उपकरणहरुलाई खारेज गर्न खोज्नु पक्कै पनि उचित हुदै होइन । अर्कोतर्फ स्वायत्तताको साथसाथै समग्र आम जनता र जनताका प्रतिनिधिहरुप्रति सदाझै जवाफदेही भई कुशलताका साथ कार्यसम्पादन गरिरहनु पक्कै पनि स्वायत्तताका लागी परिपूरक नै हुन जान्छ । तर स्वायत्तता र जवाफदेहीतालाई एउटै विषयको रुपमा हेर्नु वा जवाफदेहिताको नाममा स्वायत्तताको आधारभूत सिद्धान्तहरुमै प्रहार गरिनु चाहि पक्कै पनि समग्र वित्तीय क्षेत्रको स्थायीत्वका लागी सकारात्मक संकेत हुन सक्दैन ।

वित्तिय प्रणालीप्रतिको जनविश्वास

सन् २००७/८ पछि विश्वभर देखिएको आर्थीक मन्दीको सबैभन्दा ठूलो पाठ भनेकै वित्तीय स्थायीत्व कायम गर्न केन्द्रिय बैंकले समयमै हस्तक्षेप गर्नुपर्ने रहेछ भन्ने पनि हो । अन्यथा आर्थीक दुर्घटना भयावह हुने देखियो । यसका लागी केन्द्रिय बैंक झन–झन सुदृढ र बलियो बन्नुपर्ने रहेछ भन्ने कुराको अझ बढी अनुभूती संसारभर भयो । भविष्यमा वित्तीय क्षेत्रमा आउन सक्ने खराब परिस्थितीलाई वैज्ञानिक तरिकाले आकलन गर्ने र सजिलो अवस्थामा नै खराब अवस्थाको लागी पूजी लगायत अन्य कुराको जोहो गर्नुपर्ने भन्ने कुरा विश्वव्यापी रुपले स्वीकार्य हुन पुग्यो । त्यही पाठको फलस्वरुप बासेल कमिटिले वित्तीय स्थायित्वलाई प्रमूख उद्देश्य मान्दै सबै केन्द्रिय बैंकहरुलाई सोको लागी बासेल ३ को रुपमा बृहत मार्गदर्शन प्रस्तुत ग¥यो । हुन त त्यो भन्दा अघि लागु हुदै आएका बासेल १ र बासेल २ मा पनि यी विषय नसमेटिएका होइनन् तर अघिल्ला प्रतिवेदनहरुमा वित्तीय मूल्य (जस्तैः ब्याजदर, मुद्रास्फ्रिती इत्यादी) नियन्त्रण लाई प्रमूख एजेण्डा मानिएको थियो । बासेल ३ को कार्यान्वयन चरणमा रहेको हामीले पनि वित्तीय स्थायित्वलाई कायम गर्न र आम सर्वसाधारणको बचतको ग्यारेण्टी, अझ प्रमूखतः आम जनमानसमा समग्र वित्तीय क्षेत्रमाथीको भरोशा कायम गरि राख्नका लागी बासेल ३ का सिद्धान्त तथा उपकरणहरु अझ घनिभूत रुपले प्रयोग गर्दै जानु झन झन आवश्यक हुदैछ । 

बासेल ३ का सिद्धान्त तथा उपकरणहरु कार्यान्वयन गर्दै गर्दा कतिपय कुराहरु आफ्नो देश र अवस्था अनुरुप पनि फरक भने पक्कै हुन सक्छ । केन्द्रिय बैंकको हैसियतले नेपाल राष्ट्र बैंकले कतिपय निति निर्देशनहरु हाम्रो भूराजनितिक परिवेश अनुरुप फरक पनि गर्दै आइरहेकै छ । कतिपय परिपत्र आउन नपाउदै बैंक तथा वित्तीय संस्थाका जिम्मेवार व्यक्तित्वहरुले सरकारले नै हस्तक्षेपकारी भूमीका खेल्दियोस भन्ने आशयका साथ अनावश्यक दबाब दिने हो भने त झन नकारात्मक सन्देश जान सक्छ । वित्तीय स्थायित्वका लागी दिर्घकालिन महत्वको कुनै नया परिपत्र जारी हुनासाथ दबाब समूहले हस्तक्षेप गर्न थाल्ने हो भने समग्र दिर्घकालिन वित्तीय अनुशासन तथा वित्तीय स्थायित्वमा प्रश्न उठ्न थाल्छ । त्यसैले पनि नेपालको केन्द्रिय बैंक पहिलाभन्दा अझ बढी स्वायत्त र सबल हुदै विश्वमा हाल रहेको उच्चतम मापदण्ड अनुसार बढ्नु झन आवश्यक देखिएको छ । हाम्रो केन्द्रिय बैंकिङ प्रणालीलाई नजिकबाट नियालिरहेका अन्तर्राष्ट्रिय मुद्रा कोष, विश्व बैंक जस्ता संस्थाहरुले पनि यी कुराहरुलाई प्राथमिकता दिने गर्दछन् । यदि यो प्रणालीमा हामी कहि कतै चुक्यौ भने विश्वको समग्र वित्तीय प्रणालीले नै हामीसँग सम्बन्ध विच्छेद गर्ने अवस्था आउन सक्छ र त्यसको परिणाम झन भयावह हुन जान्छ । हाम्रा बैंक तथा वित्तीय संस्थाहरुले अन्तर्राष्ट्रिय रुपले जारी गरेका वित्तीय उपकरणहरु नै अमान्य हुन जान्छ र हाम्रो पूरै वित्तीय प्रणलीप्रतिको आम जनविश्वास ध्वस्त हुन जाने खतरा हुन्छ । त्यसैले पनि केन्द्रिय बैंकको रुपमा नेपाल राष्ट्र बैंकको स्वायत्ततालाई जोगाइराख्नु र वित्तीय क्षेत्रको स्थायित्वको लागी अझ संवेदनशील हुनु झन झन आवश्यक हुदै आएको छ ।

राजनितिक शक्ति र वित्तिय स्थायित्व

सरकार भनेको आम जनताले चुनेका जनप्रतिनिधिहरुले नै बनाएको सर्वोच्च कार्यकारी निकाय हो । आम जनता, सम्पूर्ण निकायहरु तथा सम्पूर्ण संघसंस्थाहरुको सबैभन्दा ठूलो अभिभावक संस्था भनेकै सरकार हो । नेपाल राष्ट्र बैंक अर्थात नेपालको केन्द्रिय बैंकको पनि सर्वोच्च अभिभावक संस्था नेपाल सरकार नै हो । आम जनताको आवश्यकता तथा राष्ट्रको हितमा योजना बनाउने तथा कार्यान्वयन गर्नु नै सरकारको कर्तव्य हो । दुरदराजसम्म विकास तथा आर्थीक सम्पन्नता पु¥याउनु र विकासको मूलप्रवाहमा सबैलाई समेट्नु नै उसको मूल उद्देश्य हुन्छ । त्यसैले सरकारले आम जनताको हितमा ल्याउने अभियानहरुमा वित्तीय क्षेत्रमार्फत हरसम्भव सहयोग गर्नु केन्द्रिय बैंकको हैसियतले नेपाल राष्ट्र बैंकको पनि कर्तव्य हो, यो कर्तव्य पनि हामीले कुशलताका साथ निभाइरहेकै छौँ । अर्कोतर्फ सरकार भनेको शक्ति सञ्चय गर्ने सर्वोच्च निकाय पनि हो । सामान्यतया हाम्रो जस्तो लोकतान्त्रिक देशमा आवधिक आम चुनाव मार्फत यो शक्ति आर्जन गर्ने विश्वव्यापी परम्परा र प्रक्रिया छ । आम चुनाव आफैमा अर्थतन्त्र सबैभन्दा बढी चलायमान हुने, अत्याधिक आर्थीक गतिविधिहरु हुने बेला पनि हो । यसबेला शक्तिमा रहेका राजनितिक दलहरुले सकेसम्म धेरैभन्दा धेरै प्रत्यक्ष वा अप्रत्यक्ष खर्च गर्ने गर्दछन् । यो बेला हुन सक्ने अस्वाभाविक मुद्रास्फ्रिती तथा पैसाको माग¬ तथा आपूर्ती बिच आउन सक्ने असन्तुलन लाई व्यवस्थापन तथा समन्वय गर्ने जिम्मा भने केन्द्रिय बैंकको हो । राजनितिक दल वा सरकारका प्रतिनिधिहरु बढी भन्दा बढी पैसा बजारमा पम्प गरेर भएपनि आफ्नो ध्येय पुरा गर्न चाहन्छन् भने अर्कोतर्फ केन्द्रिय बैंक चाहि अर्थतन्त्रको सहि आकार अनुसारको मौद्रिक अनुशासन कायम गर्दै मुद्रास्फ्रिति वा महँगीलाई स्वीकार्य तहमा राख्न चाहन्छ । यदि केन्द्रिय बैंक स्वायत्त नहुने हो भने यस्तो बेलामा सरकारले आर्थीक स्थायित्वमा जुवा खेल्न सक्ने सम्भावना समेत हुन सक्छ, फलस्वरुप दुरगामी रुपले अर्थतन्त्रलाई उठ्नै नसक्ने गरी घुँडा टेकाउन सक्छ । त्यसैले पनि केन्द्रिय बैंकको पूर्ण–स्वायत्तता र सरकारको प्रत्यक्ष बागडोर भित्र केन्द्रिय बैंकलाई राख्न नहुने तर्क विश्वव्यापी रुपले मान्यताप्राप्त छ । 

वित्तिय र मौद्रिक निति बिचको सैद्धान्तिक टकराव 

नेपालको सन्दर्भमा भन्नुपर्दा सामान्यतया सरकारको वित्तीय निति आएपछि सोही नितिलाई अधिकतम तहमा समर्थन र सहयोग गर्ने गरी केन्द्रिय बैंकको मौद्रिक निति पनि जारी हुने गर्दछ । संसारभर सबैजसो मुलुकमा सामान्य अवस्थामा यहि नै हुने गर्दछ । सैद्धान्तिक रुपले यस सन्दर्भमा दुईखाले धारणाहरु भने देखिएका छन् । पहिलो धारणा अनुसार सरकारले जारी गरेको वित्तीय नितिले अंगीकार गरेका मूख्य मूख्य उद्देश्यहरु जस्तैः आर्थीक वृद्धि, रोजगारी इत्यादि प्राप्त गर्नका लागी के कति मुद्रा आपूर्ती आवश्यक छ, मुद्रास्फ्रिति कति हुनु पर्दछ इत्यादि अनुसन्धान गरेर सोही अनुकुल हुने गरी केन्द्रिय बैंकले मौद्रिक निति जारी गर्नुपर्दछ । यो धारणा अनुरुप सामान्यतया वित्तीय निति र मौद्रिक निति एकअर्काका पर्याय जस्तै देखिन्छन् । अर्थात सरकारले खुकुलो वित्तीय निति जारी ग¥यो भने केन्द्रिय बैंकको मौद्रिक निति पनि खुकुलो नै आउने र यदि सरकारले वित्तीय नितिलाई अलि कस्ने गरी ल्याउने हो भने केन्द्रिय बैंकले पनि कसिलो मौद्रिक निति जारी गर्ने गर्दछन् । अर्को वा दोस्रो सैद्धान्तिक धारणा भने पहिलो धारणाको ठिक विपरित छ । दोस्रो धारणाले के भन्दछ भने सरकारले आर्थीक वृद्धिका लागी जथाभावी दौडदा त्यसले मुद्रास्फ्रिती, महंगी लगायतमा दबाब परिरहेको हुन्छ, त्यसलाई व्यवस्थापन गर्ने जिम्मा भनेको केन्द्रिय बैंकको हो, त्यसैले जब सरकारले खुकुलो वित्तीय निति जारी गर्दछ, तब वित्तीय अनुशासन र स्थायित्वको लागी केन्द्रिय बैंकको भूमिका भनेको अलि कसिलो वा सरकारको मौद्रिक नितिभन्दा कम खुकुलो मौद्रिक निति जारी गर्नु हो । अर्कोतर्फ यदि सरकारले खासै पूजीगत खर्च गर्ने लक्षण देखाएको छैन, आर्थीक रुपले संकुचन आउन सक्ने देखिएको छ भने जनताको हात हातमा खुकुलो गरी अलि बढी पैसा आपूर्ती गर्ने हो भने समग्र बजारको संयुक्त माग बढ्न गई अन्तत्वगया आर्थीक समृद्धिलाई नै टेवा पु¥याउने गर्दछ । यो दोस्रो धारणा सामान्यतया असामान्य परिस्थितीहरुमा मात्र लागु हुन सक्ने हुदा सदैव त्यति व्यावहारिक नहुन सक्छ । तर यसबाट के सिक्न सकिन्छ भने वित्तीय नितिलाई सहयोग गर्दै गर्दा आर्थीक सन्तुलन तथा वित्तीय स्थायित्वका खातिर केन्द्रिय बैंकको आफ्ना केही छुट्टै अडानहरु हुन जरुरी छ ता कि वित्तीय नितिले ल्याउन सक्ने वित्तीय विचलनलाई समयमै मौद्रिक नितिले सन्तुलनमा ल्याउन सकोस्। यसका लागी पनि केन्द्रिय बैंक स्वायत्त हुनु जरुरी छ । नत्र भने सरकारको वित्तीय नितिको बैशाखी मात्र हुन सक्ने तर आर्थीक संकटको भेल आउदा सरकारलाई र सिँगो देशलाई बचाउन नसक्ने अपजस पनि मौद्रिक निति तथा केन्द्रिय बैंकले नै व्योहोर्नुपर्ने हुन्छ । 

भोली आउन सक्ने वित्तीय अस्थीरता केवल बैंकिङ क्षेत्रमा मात्र आउदैन । नेपाल राष्ट्र बैंकको कार्यक्षेत्रभित्र नपर्ने पनि थुप्रै आर्थीक क्षेत्रहरु छन् । सहकारी, बीमा, सञ्चय कोष, नागरिक लगानी कोष इत्यादिको नियमन, सुपरिवेक्षण नेपाल राष्ट्र बैंकले गर्दैन । तसर्थ यी सम्बन्धित क्षेत्रमा पनि सहि आकलन र अनुशासन कायम गर्न बेलैमा सबल र सक्षम स्वायत्त नियमनकारी संस्था हुनु जरुरी छ । नत्रभने बैंकिङ क्षेत्र जति व्यवस्थित, स्थिर र अनुशासित भएपनि अन्तमा यी बाह्य तर अन्तरसम्बन्धित क्षेत्र तथा संस्थाहरुको कारणले कुनै न कुनै असर देखिन सक्छ । सम्बन्धित सरोकारवाला निकाय तथा सरकारले बेलैमा यस विषयमा पनि ध्यान पु¥याउनु आवश्यक छ । यी अन्य गैरबैंकिङ क्षेत्रको बढ्दै गएको आकार तथा बैंकिङ क्षेत्र तथा एक अर्का सँगको अन्तरसम्बन्धले गर्दा एक ठाउमा जोखिम आउदा अर्कोले पनि ब्योहोर्नुपर्ने हुन सक्छ । २००७/८ को विश्व आर्थीक मन्दि पनि शुरुमा गैरबैंकिङ क्षेत्रबाट शुरु भई पछि विश्वव्यापी रुपले बढेको ताजा उदाहरण छदैछ । यसकारण पनि यस विषयमा सम्बन्धित सबै सरोकारवालाको ध्यान जान जरुरी छ । 

अन्त्यमा,

हामी के भन्न सक्छौ भने हाम्रो जस्तो कम कुल ग्राहस्थ उत्पादन रहेको र सम्पूर्ण सोतसाधनहरु पूर्ण उत्पादकत्वमा प्रयोग नभइरहेको मुलुकमा केन्द्रिय बैंकले जारी गर्ने मौद्रिक निति तथा अन्य नितिहरुले पक्कै पनि सरकारले जारी गर्ने वित्तीय निति तथा अन्य नितिहरुले अघि सारेका योजनाहरुमा पूर्ण साथ, सहयोग प्रदान गर्दै परिपूरकको भूमीका निभाउनै पर्दछ । यसो भनिरहदा अन्तर्राष्ट्रिय मूल्य मान्यता, अन्तर्राष्ट्रिय मुद्रा कोष, बासेल कमिटि लगायतका मार्गदर्शक सिद्धान्तलाई अंगीकार गर्दै मुलुकको वित्तीय स्थायीत्वको लागी नेपालको केन्द्रिय बैंकको रुपमा नेपाल राष्ट्र बैंकले सदाझै निष्पक्ष र अझ प्रभावकारी भूमीका खेल्नु पर्दछ । सो भूमिका प्रभावकारी ढँगले निर्वाह गर्न नेपाल राष्ट्र बैंकको स्वायत्तताको सवाल सबैभन्दा टड्कारो हुन्छ । यदि केन्द्रिय बैंक कमजोर हुने हो भने हाम्रो जस्तो अल्पविकसित देशको वित्तीय प्रणालीमा जोखिम उत्पन्न भई हुन सक्ने वित्तीय दुर्घटना निकै नै भयावह हुन सक्छ । नेपाल राष्ट्र बैंक २०५८ ले प्रत्याभूती गरेको स्वायत्ताले गर्दा नै आज नेपालको बैंकिङ क्षेत्र व्यवस्थित र परिस्कृत हुदै आएको छ । सरकारले जारी गर्ने वित्तीय नितिलाई सहयोग गर्ने गरी केन्द्रिय बैंकले पनि मौद्रिक निति जारी गरिरहदा कहिलेकाही असामान्य परिस्थिती आउन नदिन वित्तीय सन्तुलनको भूमीका पनि निर्वाह गर्नुपर्ने हुन सक्छ । सरकार वा शक्तिमा रहदा राजनितिक दलहरुले लिन सक्ने अल्पकालीन नितिले दुरगामी रुपले अर्थतन्त्रलाई नकारात्मक असर पार्न सक्ने स्थितीमा बजारको मुद्रास्फ्रिती तथा मुद्रा आपूर्तीलाई नियन्त्रणमा राख्न सक्नु पनि केन्द्रिय बैंकको अहम जिम्मेवारी हो । सन् २००७/८ को विश्वभर फैलिएको आर्थिक मन्दि लगायत अन्य थुप्रै परिघटनाहरुले पनि केन्द्रिय बैंकको स्वायत्त निर्णयाधिकारले मात्र ठूला ठूला जोखिमहरुको आकलन र व्यवस्थापन गर्न सक्ने देखाएको छ । तसर्थ समग्र वित्तीय क्षेत्रको स्थायित्वका लागी केन्द्रिय बैंकको पूर्ण–स्वायत्तता अपरिहार्य छ । साथसाथै आर्थीक वृद्धि, विकास तथा आम जनताको समृद्धिको सपना साकार गर्ने सरकारको पथमा हरसम्भव साथ दिदै जानु पनि सरकारको बैंक तथा देशको केन्द्रिय बैंकको रुपले नेपाल राष्ट्र बैंकको जिम्मेवारी हो । यहि जिम्मेवारीलाई जवाफदेहिताको रुपमा बुझेर अझ गम्भीर ढँगले देश निर्माणमा सबैजना एकजुट हुनु आजको आवश्यकता पनि हो । ‘समृद्ध नेपाल, सुखी नेपाली’ निर्माण अभियानमा केन्द्रिय बैंकको हैसियतले नेपाल राष्ट्र बैंकले पनि जवाफदेहिताका साथ अहम भूमिका निर्वाह गरीरहेको छ, र पक्कै पनि गरी नै रहने छ । वित्तीय क्षेत्रको दुरगामी विकास, तथा वित्तिय स्थायित्वको लागी नेपालको केन्द्रिय बैंक ‘नेपाल राष्ट्र बैंक’ले सदैव स्वायत्त तथा निष्पक्ष रुपले कार्य गर्न सक्ने वातावरण बनिरहनु अत्यन्त आवश्यक छ । 





झट्ट हेर्दा कुनै पनि मुलुकको संस्कृति र अर्थतन्त्रबीच खासै सम्बन्ध नदेखिन सक्छ । संस्कृतिले समाज एवम् समग्र देशमा विद्यमान प्रचलन, खानपान, वेशभूषा, रीतिरिवाजलगायत स्थापित मूल्यमान्यतामा रहेका विविधताहरू दर्शाउँछ भने अर्थतन्त्रले मुलुकमा विद्यमान समग्र स्रोतसाधनको उपलब्धता, परिचालन तथा बाँडफाँटको अवस्थालाई जनाउँछ । नेपालको सन्दर्भमा भन्नुपर्दा हामी संस्कृतिक पक्षमा निकै धनी तर सबल र अर्थतन्त्रमा अलिक कमजोर रूपमा चित्रित हुँदै आएका छौं ।
सांस्कृतिक र आर्थिक पक्षबीचको अन्तरसम्बन्धलाई चित्रण गर्ने सामान्य उदाहरणका रूपमा हामी खानेपानीको उपलब्धता र वितरणलाई लिन सक्छौं । नेपालको कुनै पनि ग्रामीण तथा शहरोन्मुख क्षेत्रमा पर्यटकका रूपमा हिँड्ने जो कोहीलाई पनि बाटोमा पर्ने घर वा पसलवालाले सहजै आफूले उपभोग गरेको पानी निःशुल्क उपलब्ध गराउने प्रचलन छ । अझै कतिपय स्थानहरूमा त साँझका पाहुना देवता समान हुन्छन् भनेर गाँस बाससमेत उपलब्ध गराउन तम्सन्छन् । तर, त्यही विषय विकसित मुलुक वा शहर मानौं बैंकक शहरमा घुम्दै हुनुहुन्छ र प्यास लाग्यो भने पानीका लागि पक्कै पनि सय वा सोभन्दा बढी नेपाली रुपैयाँ बराबर पैसा खर्च गर्नुपर्ने अवस्था आउँछ । त्यति वस्तुवादी नभएका कारणले सबै पक्षमा व्यावसायिक चेत राख्दैनन् । नाफाघाटाका लागि भन्दा पनि कतिपय विषय आत्मसन्तुष्टि र परोपकारसँग जोडिएका देखिन्छन् । अर्थात् विकसित तथा पश्चिमा देशहरूका नागरिक जस्तो तँछाडमछाड गरेर नयाँ आविष्कार, खोजी र आर्थिक उत्पादनका लागि बढी क्रियाशील देखिँदैनन्, जसलाई पछौटेपनको कारण पनि मानिन्छ । नेपालीहरूमा बचत गरेर लगानी गर्ने तथा उत्पादन बढाउनेभन्दा पनि गैरउत्पादनमूलक र भौतिक चिजहरूमा नै बढी आर्कषण रहेको देखिन्छ । अंशबन्डा संस्कृतिका कारण खेतीयोग्य जमीनको खण्डीकरण, ऋण नै गरेर भए पनि आफ्नो स्वामित्वमा अलगै घरजग्गााको चाहना, आवश्यकताभन्दा बढी भौतिक सम्पत्ति संकलनको मोह, देखावटी संस्कृतिका कारण हैसियतभन्दा बढी मूल्यका सवारीसाधन, गहना गुरियामा खर्च आदि पक्ष सांस्कृतिक विचलन र अर्थतन्त्रको प्रत्यक्ष सरोकार रहने विषयहरू मानिन्छन् । 

हाम्रो संस्कार अहिले पनि सामन्तवादी नै छ । यहाँ व्यक्तिको क्षमताभन्दा उसले ओगटेको सामाजिक तह, उसको सामाजिक वा संस्थागत पद र हैसियतलाई मान गर्ने प्रचलन छ । उपल्लो तहमा रहेकाहरूसँग मात्र बढी ज्ञान र क्षमता हुन्छ भन्ने मान्यताका आधारमा योजना कार्यान्वयनमा राम्रो दख्खल राख्ने, प्रभावकारी कार्यान्वयन गर्न सक्ने तल्लो पदीय हैसियतका व्यक्तिहरूकोे ज्ञान र अनुभवको कदर नहुनेलगायत गलत संस्कारहरूको असर पनि आर्थिक क्रियाकलापमा परेको अनुबोध गर्न सकिन्छ । एक त योजनाहरू नै माथिबाट मात्र जर्बजस्ती तल थोपर्ने चलन छ भने अर्कोतर्फ निर्णय प्रक्रियामा समेत धरातलीय रूपले बुझ्नेहरूलाई समावेश नगर्ने परिपाटी छ । जसले गर्दा कार्यान्वयन तहमा समस्या देखिन्छ । श्रमको सम्मान नहुँदा वैदेशिक रोजगारीमा युवाहरू गएका छन्, जसले गर्दा गाउँघरतिर सामान्य श्रम गर्ने श्रमिक पाउनै छोडिसकेको छ । यसले नेपाली अर्थतन्त्रलाई उत्पादन र दिगोपनको सट्टा परनिर्भरतातर्फ धकेलिरहेको देखिन्छ । 

‘मुग्लान जाने’ र ‘लाहुर जाने’ परिपाटीको पछिल्लो स्वरूप खाडी मुलुक र अहिले क्रमशः अमेरिका, अस्ट्रेलिया जाने ‘लाहुरे संस्कृति’ रोकिएको छैन । विप्रेषणको रकमबाट गाउघरका धेरै परिवारको सामाजिक हैसियत बढेको पनि छ । विप्रेषणकै कारण परिवार नै टुक्रिँदै गएको, बाबु वा आमा विदेशमा हुँदा एक्लै हुर्किएका नानीहरू दुर्व्यसनमा फस्दै गएको आदि समस्या पनि बढ्दो छ । सिँगै देश नै आर्थीक निर्भरतामा जकडिँदै गएको छ । विप्रेषणले तत्काल राहत त दिएको छ । तर, यसको सामाजिक नकारात्मक पाटो र आर्थिक रूपले पनि अधिकांश अंश सही क्षेत्रमा लगानी हुनुको साटो विलासी सामानको आयातमा खर्च हुनुले महँगो पसिनाको विप्रेषणले ‘सामाजिक डिप्रेषण’को खतरा पनि सँगै बोकिरहेकै छ । अझ हुन्डी तथा अन्य अनौपचारिक माध्यमबाट हुने विप्रेषणले त औपचारिक अर्थतन्त्रको सही विश्लेषणलाई नै चुनौती दिइरहेको छ ।

हाम्रा आर्थिक क्रियाकलापका ‘सिजनहरू’ पनि हाम्रा चाडबाडले निर्धारण गरिरहेका छन् । दशैं–तिहार–छठताका धान्नै नसक्ने गरी आयात र व्यापार बढिरहेका हुन्छन् । आर्थिक वर्षको अन्य महीनाहरूमा हुने खर्चभन्दा दशैंताका हुने खर्च बढी हुन्छ । चाडबाडका बेला हाम्रो शोधनान्तर स्थितिलाई नै हल्लाउने गरी आयातका लागि विदेशी मुद्रा खर्च हुने गर्छ । बैंकका काउन्टर र एटीएममा हुने लाइनले पनि यसलाई दर्शाएकै हुन्छ । आवश्यकताभन्दा पनि सामाजिक चलनचल्तीका रूपमा खानपान, तडकभडकमा धेरै खर्च हुने गर्छ । त्यति मात्र नभई जुवातास, मदिराजस्ता फजुल खर्च समेत अस्वाभाविक रूपमा बढ्ने गर्छ । अझ कृषिप्रधान देशले गर्ने गरेको मासु, तरकारी, फलपूmल आदिको आयातको आकार त झनै डरलाग्दो देखिन्छ ।

संक्षेपमा वस्तुवादीभन्दा अभौतिकवादी दृष्टिकोणका कारण हाम्रो समाजले आर्थिक उन्नतिलाई प्राथमिकतामा राखी अघि बढ्न सकेको देखिँदैन । विश्वका धेरै मुलुकको विकासक्रमको दाँजोमा नेपाल निकै पछाडि परेको पनि देखिन्छ । जस्तोसुकै प्रतिकूलता र आर्थिक पछौटेपनको शिकार भए तापनि नेपालको सामाजिक छवि भने विश्वभर नै सकारात्मक छ । विश्वशान्तिको अभियानमा खटिने विषय होस् या कुनै पनि ठूला मुलुकको सैन्यदस्तामा नेपालीको स्थान सम्मानजनक हुने गरेको छ । यस्तै स्थापित सामाजिक आदर्शले नेपालले ‘खुशी सूचकांक’मा आफूलाई धेरै मुलुकभन्दा माथि नै पार्न सफल देखिन्छ । यसको ज्वलन्त उदाहरण विसं २०७२ को महाभूकम्पकै अवस्थालाई लिन सकिन्छ । हैंटीलगायत अन्य देशमा यसअघि गएका यस्तै ठूला भूकम्पपछिको सामाजिक भयावह स्थितिलाई मूल्यांकन गरेर केही अन्तरराष्ट्रिय संघसंस्थाले नेपालमा पनि महाभूकम्पपछि चोरी, डकैती, लुटपाट, काटमार बढ्न सक्ने र सामाजिक–आर्थिक रूपले तहसनहस हुनसक्ने प्रक्षेपण गरेका थिए । तर, नेपालीहरूमा रहेको सहयोगी भावना र परोपकारी संस्कारले हामीले एकले अर्कालाई सहयोग गर्दै त्यो असहज स्थितिलाई समेत सहजै पार गरेर आएका हौं । अतः नेपालका सांस्कृतिक विशेषताहरूलाई केलाएर आर्थिक विकासमा पनि समायोजन गर्न सकिए समृद्ध नेपाल र सुखी नेपालीको परिकल्पना सार्थक हुन बेर लाग्दैन ।

लेखक नेपाल राष्ट्र बैंक, वीरगञ्ज कार्यालयका सहायक निर्देशक हुन् ।

(साभार: आर्थिक अभियान, २०७६ माघ १६)

https://www.abhiyandaily.com/newscategory-detail/366058

(Feedback for 3 days 'TRAINING CUM WORKSHOP' organized by APEX CAREER SERVICE)

बिहानैदेखिको भोक अनि ‘प्रीजेन्टेसन’को चाँपका बिच यो ठिटो त्यो दिन साथीहरुलाइ भन्दै थियो – ‘ट्रेनिङमा चाहि जसरी पनि बस्नुपर्छ है ।’ तर म आफै मनमनै सोच्दै थिए ‘सब प्रवचन नै त होला, म नै सबैभन्दा पहिला भाग्नेछु ।’ एपेक्स कलेजले बीबीए बी.आइ. र बी.सि.आइ.एस. जस्तै हामी बीबीए अन्तिम सेमेस्टरका विद्यार्थीका लागि भनेर गत सेप्टेम्बर २५, २६ र २७ मा ‘ट्रेनिङ कम् वर्कसप’ आयोजना ग¥यो । बिहान ६:३० देखि ११ बजे सम्मको लगातारको क्लास र त्यसपछि १२ देखि साँझ ६:३० सम्मको यो ‘ट्रेनिङ’, समग्रमा १२ घण्टाको यो कलेजको ‘वनवास’, कतै हाम्रो लागि एउटा ‘वोरिङ’ अनुभव मात्र त बन्नेछैन भनेर सुरुमा हामी नहिच्किएका होइनौँ । तर जब हामी ‘सिक्स सिग्मा हल’ मा छिर्यौँ, कुल सरको ‘कूल’ आवाजमा हामीले एउटा अजीव प्रतिबद्धता भेट्यौँ । हामीले महसुस गर्यौँ– ‘यो फ्रेन्च कटले केही न केही त पक्कै दिनेवाला छ ।’

शुरुमै विनय सरले कलेजपछि हामीले ‘जोरी खोज्नुपर्ने’ केही तथ्यहरुसँग हामीलाइ अवगत गराउनुभयो । उहाँले ‘ग्रेड डज नट म्याटर’ भन्दा नब्बे प्रतिशत भन्दा बढीले जोड जोडले ताली बजाए । ‘ग्रेडवाला’ भएपनि त्यो तालीमा मेरो ताली सबैभन्दा चर्को थियो । त्यसपछि भरत सरले नेपाल र अन्तर्राष्ट्रिय एम.बी.ए. को तथ्यगत चित्रण राखिदिदा हामीले आफै संश्लेसन गर्यौँ ‘नेपालको एम.बी.ए. पनि कम रैनछ ।’ त्यसपछि नेपाल राष्ट्र बैंकका डेप्युटी डाइरेक्टर डिल्लीराम पोखरेल सरले नेपालको वित्तिय क्षेत्रको वस्तुस्थिती छर्लङ्ग पार्नुभएको थियो ।

साँझ थकीत मुद्रामा गइसकेका हामी विद्यार्थीहरुलाइ भानु सरको ‘इमोसनल इन्टेलिजेन्स’ले राम्ररी तङ्ग्रायो । उहाँको कुराले हामी भावुक पनि बन्यौँ । समग्रमा मजस्तो ‘कन्फ्युज्ड’ पात्र समेत सकारात्मकताको गतिलो बाटोमा प्रवेश ग¥यो ।

अर्को दिन ‘जब् डाइनामिक्स’का राजीव सरलगायतले ‘रेज्युमी’, ‘कभर लेटर’, ‘इन्टरभ्यू’, ‘नेटवर्किङ’ लगायत विषयमा दिएको प्रशिक्षण देखिने हिसाबले नै निकै फलदायी सावित भयो । ‘इन्टरप्रिनियरसिप’ को वजनदार परिभाषा दिएर म्रिनल, किरण र श्रीतीले आकर्षक ‘भेष्ट’ जित्दा आफूले नै जितेजस्तो लाग्यो । त्यस्तै ‘लण्डन चेम्बर अफ कमर्स एण्ड इन्डस्ट्रीज’ का नेपालका जनरल मेनेजर रोसन राथी सरले कसरी सिप (SKILL) विकास गर्ने भन्ने बारेमा गरेका गहन कुरा हाम्रा लागी निकै महत्वपूर्ण रहे ।

यतिञ्जेलसम्म हामीले सुरुमा छिर्दा महसुस गरेका ‘वोरिङनेस’ र छटपटी हराइसकेको थियो । हामी अझ सिक्न आतुर थियौँ ।

कुनै समय ‘आँखा लोभी मन पापी’का निर्माता रहेका डा. मदन विष्टले लिएको अन्तिम दिनको पहिलो सेसन सबैभन्दा रमाइलो र अविष्मरणीय रह्यो । उहाँले भावसम्प्रेषण (COMMUNICATION), नेतृत्व (LEADERSHIP), व्यक्तित्व (PERSONALITY) लगायतका विषय निकै सरल र बुझिने तरिकाले राख्नुभयो । बेलाबेलामा हामीलाई विभिन्न ‘व्यायाम’ झै लाग्ने व्यावहारिक सिपविकासका नमुनाहरु गराउदा हल नै हाँसोले गुञ्जीन्थ्यो । त्यसपछि एन.वाइ.इ.एफ. का उपाध्यक्ष समिर थापा र सूर्य नेपालका मानव संसाधक प्रमूख (HUMAN RESOURCE MANAGER) दिपेशमान श्रेष्ठको अनुभवसँगै हाम्रो तीनदिने ट्रेनिङ सकियो ।

हामीले उत्तिखेरै भन्यौँ ‘यो तीनदिन चारवर्षभन्दा बढि फलदायी भयो ।’ यो सत्य हो तर यो ट्रेनिङ केही न केही कमजोरीबाट पूर्णमूक्त चाहि थिएन । एउटा पनि महिला ट्रेनरलाइ ल्याउन नसक्नु समग्रमा आफ्ना ठाउमा उचाइ छोइरहेका महिला नेतृत्वहरुको अवमूल्यन थियो । साथै कुनै सेसनहरु पहिल्यै क्लासमा पढीसकेका टपिकहरुका पुनरावृति जस्ता पनि थिए । ‘नेगोसियसन’ सम्बन्धि विषय ‘सेड्युल’मा रहे पनि कार्यक्रममा यसको चर्चासमेत भएन । ‘इन्टरप्रिनियरसिप’ र ‘सिप (SKILL)’ सम्बन्धि धेरै कुरा धेरै चोटी दोहोरिदा केही सेसनहरु पट्यारिला पनि लागे ।

जे होस हामी केही ‘कन्फ्युज्ड’, केही ‘आवारा’ भएर ‘सिक्स सिग्मा हल’मा छिरेकाहरु निस्कदा सकारात्मकता र गहनताका साथ निस्किएका छौँ । कतिले त उतिखेरै घोषणा गरे ‘म अब केही वर्ष अनुभव सँगालेर मात्र एम.बी.ए. पढ्नेछु ।’ यो तीन दिनले विद्यार्थीहरुलाइ आफू को हुँ भनेर चिन्न मद्दत गर्यो, यो सबैभन्दा ठूलो उपलब्धि हो यो कार्यक्रमको । यसमानेमा कुल सर र उहाँको टिम आफ्नो प्रतिबद्धतामा खरो उत्रिएको छ । एपेक्स कलेजद्धारा प्रथम पल्ट आयोजित यो अनुभव हाम्रा लागी निकै महत्वपूर्ण र अविष्मरणीय रह्यो । यसमा विशेष विशेष भूमिका खेल्ने ‘एपेक्स करियर सर्भिस’ का कुल प्रसाइ सर र उहाँको जुझारु टिमलाइ हामी बीबीए अन्तिम सेमेस्टरका ‘भिजन एण्ड मिसन’का सम्पूर्ण विद्यार्थीका तर्फबाट लाखौलाख धन्यवाद !

Source: http://blogbishad.blogspot.com 
भोको पेट बोकेर यो पागल घोडा गौशाला हुदै चावहिलतिर बढ्यो । बिहानभर भक्तपुरमा उफ्रेको थकाइ, कुद्नलाई पुग्ला-नपुग्ला निश्चित नभएको रिजर्भ पेट्रोल र बाटोको जामले गर्दा पागल घोडा झन पागल बन्दैथ्यो । मेडिकेयर हस्पिटलको गेटनिर पुग्नेबित्तिकै एक हातले धुवा उडाउदै, अर्को हात उठाएर समय हेर्दै गरेका गोविन्द वर्तमान दाईले हाँसी-हाँसी थर्काइहाले "अब यतिकै ढिलो हुने भएपछि यो सल्केको ठूटो ननिभाएर के जानु ? ” मैले चुपचाप आफ्नो गर्धन हल्लाइदिए ।

बाटोभरी रातोघरमा साथीहरुले कुर्दै बसेका दृश्यहरु मेरो आँखामा घुमिरह्यो । वर्तमान दाईले बेला बेलामा समय बताउदै यो पागल घोडालाई निकैपटक रन्थन्याए । मलाई त लाग्दैथ्यो यहि पागलपनको मौकामा कहि गएर जानी-जानी लडिदिउ तर सोचे "कार्यक्रमका लागी कम्ता मेहनत भा’छैन ।”

रविभवनको रातोघरमा प्रत्येक तेस्रो शनीवार हुने भनिएको 'अक्षरसँग’ कार्यक्रमको पहिलो श्रृङ्खलामा लाग्दै थियौँ हामी । यो पाली समीक्षकको रुपमा वर्तमान दाईलाई डाकिएको थियो । उहाँलाई ल्याउने जिम्मा यो घोडालाई बाहेक कल्लाई जान्थ्यो र ? कार्यक्रम लगभग सवा तीन तिर सुरु भयो । टापलाई आराम दिएर पलेटी कसेको मैले यसो आँखा लगाए अगाडि स्नेह सायमी, लक्ष्मी माली, स्व. स्वप्निल स्मृतिजस्ता हस्तीहरु थिए । तिलक चाम्लिङ आफ्नो रेकर्डर रेडी पार्दै थिए । यो पालीका सहभागी कविहरु नाकिमा, नदीश, मन्जु मार्मिका, अस्मिता माली मानन्धर, दृश्य र म हातमा परेको कविताको पानामा बारम्बार आँखा दौडाउदै थियौँ । सबैले मजाले कविता वाचन गर्यौ । अतिथी कवि बनेका स्व. स्वप्निल स्मृति दाईले कविता बिर्सिए भन्दै गर्दा मैले रिसाएर स्वर्गीयलाई नर्किय लेखु कि सोच्दैथिए तर खै कहाँबाट अन्तिममा कविता निकालिहाले उनले पनि । स्रोताको रुपमा उपस्थित पुग-नपुग नौं/दश जना साथीहरु खुब ध्यान दिएर सुन्दै थिए ।

संचालकले समीक्षाको पालो आयो भन्ने बित्तिकै यतिन्जेल लोसे भएका वर्तमान दाई जीउ तन्काएर तयार भै हाले । स्वीटरभित्र हात घुसारेर बुढाले पट्याएर राखेको कागज फैलाए र सुरु गरे तीरहरु चलाउन ।
सुरुमै पागल घोडाको पूर्ण-मुण्डन गरिहाले बुढाले । भने "यो पागल घॊडा होइन, सद्दे पो हो ।” आफ्नो पागलपनप्रतिको मेरो घमण्ड रातोघरभित्र पोलियो । त्यसपछि डढाए ल्होत्साम्पेली कवि नाकिमाको कविता । झण्डै उठेरै हिर्काए उनले "फुटनोट लेख्ने भए कविता नलेख ।” उनले नदीशको बज्यैलाई छिप्पेकी बज्यै भन्दै प्रणाम गर्न मानेनन् । दृश्यको प्रतिज्ञा सुनेर खितित्त हाँस्दै बर्बराए "सादा पोसाक ला’को आर्मी ।” मार्मिकाको कविता पूर्ण गर्न लाहाछाप लगाइ आदेश दिए । अस्मिताको कवितालाई भने "पूर्णप्रतिकमा अडिएको छ” भन्दै राम्रै स्नेह दिए ।

कार्यक्रमपछि चिया खादै गर्दा स्व. स्वप्निल दाईको सामुन्ने कवि लक्ष्मी मालीको प्रश्न तेर्सियो "तपाई स्वर्गीय मान्छे कसरी ज्यूदो हँ ? ”  दाईले पनि स्वर्गीय मुस्कान थपे चुपचाप । उता वर्तमान दाई कुनामा गएर 'अवैधानिक काम गरु है’ भन्दै धुवा उडाउन लागे । 


त्यसपछि यो पागल घोडाको टाप फेरि दौडियो वर्तमान दाईलाई च्यापेर चावहिलतिर । बाटोमा थो-थोरै कुराकानी पनि भो । मैले तीनचारचोटी धन्यवाद भने, उनले पनि त्यति नै चोटी घडि हेरे । मैले बेला-बेलामा सोचे "यि त गजबका मान्छे रैछन्, अब म पनि सद्दे हुनुपर्छ ।” चोकमा ओर्लेर बुढाले ताजा समाचार सुनाए "अैले त जम्मा २० मिनेटमै आइयो त, कति छिटो ।” उनलाई पत्तै रहेनछ रिसा’को बेला सद्दे भइनसकेको पागल घोडा कस्तरी दौडन्छ भनेर ।
(१६-१०-०६७)

केहिदिनदेखि मेरो दिमागमा एउटा संग्रहले कब्जा जमाएको छ । कुरा हो सहकर्मी मित्र तथा पूर्वका चर्चित गजलकार सुवास आम्बोटेलीको दोस्रो गजलसंग्रह 'पलहरु’ को । ८२ ओटा गजलहरु समाविष्ट यो संग्रहले कलात्मक र वैचारिक रुपले कमजोर तर संख्यात्मक रुपले निकै फष्टाइरहेको नेपाली गजलसाहित्यमा आफ्नो कलात्मक उपस्थिती दमदार रुपमा जनाएको छ ।

यस संग्रहका गजलहरुको मुख्य विशेषता भनेको गजलले बोकेको मिठासयुक्त सांगीतिक छनक हो । गजलहरु एकफेरा पढेरै मजाले गुन्गुनाउन मन लाग्छ । सधै दोहोरिरहने काफियाको कम प्रयोग गरेर र नयाँ काफियाहरुको प्रवेश गराएर आम्बोटेलीजीले गजलकै सम्मान गर्नुभएको छ । सबैजसो गजलहरु संरचनाको परिक्षामा खरो छन् र तुकयुक्त काफियाहरुको प्रयोगले गर्दा गजलहरुले सजिवता पाएका छन् । धेरैजसो मिसराहरु आफैमा व्याकरणिक रुपले स्वतन्त्र र अर्थगत रुपले अन्तरसम्बन्धित हुदाँ जसलाई गजलको गहना पनि मानिन्छ कलात्मक दृष्टिकोणले करिब-करिब सबैजसो गजलहरु पूर्ण छन् । 

कला संरचना र शैलीगत रुपले निकै राम्रा गजलहरुले बोकेका विचार भने निकै साघँुरा छन् । प्रेमप्रणयलाई केन्द्र बनाएर निकै मिहेनतका साथ लेखिएका गजलहरुमा रहेको कमजोर वैचारिक पक्षले गर्दा अन्ततः गजलहरु परम्परागत मान्यताबाट माथी उठ्न नसकेको भन्ने धेरैलाई लाग्छ नै । देश र दुनियामा चलिरहेको वर्गीय लडाई र सामाजिक÷सांस्कृतिक रुपान्तरका विषयलाई पूरै नजरअन्दाज गरिनु यो संग्रहको कमजोर पक्ष हो । देशभक्ति नारीस्थितिबारे रचिएका केहि छिटपुट गजलहरुमा समेत सबै पक्षलाई तटस्थ आँखाबाट हेरिदा र सबैलाई एउटै खाल्डोमा हालेर हेर्दा देशमा उठीरहेको परिवर्तनकामी आवाजहरुमाथी अन्याय हुन गयो कि आम्बोटेलीजी ?

जेहोस 'पलहरु’लाई कलात्मक रुपले निकै नै सफल र वैचारिक रुपले केहि फिका गजलसंग्रहको रुपमा चित्रण गरिनु अत्युक्ति नहोला । आम्बोटेलीजीको सिर्जनशील यात्राको लागी शुभकामना…।
(साभारः शब्दशिखा)


आवरणमै गरिएको आन्दोलनको चित्राङ्कन, अलि फरक र आकर्षक डिजाइन र विमल निभाँलगायतका स्रष्टाहरुको सटिक टिप्पणीले जो कोहीलाई पनि किताब किनु-किनु लाग्छ । अनि जब किताब पल्टाएर पहिलो कविता 'मेरो हतियार' पढ्छ कसैले', तब उसले बाकि कविताहरु नपढेर विश्राम लिनै सक्दैन । कवि केशव सिलवालको नयाँ कविताकृति 'धारिला मानिसहरु'मा रहेका निकै जुझारु र जोशीलो शैलीका ४३ वटा कविताले पाठकलाई बाँधेर मजाले आफ्ना विचार सम्प्रेषण गर्ने क्षमता राख्दछन् । यसैलाई कविको सफलता मान्नुपर्छ ।

प्रगतिवादी कवि सिलवाल न कवितामा कलाविहिन जोरजबर्जस्ती मन पराउछन् न त विचारविहिन स्पन्दन मात्र । बरु उनी कवितालाई विचार र कलाको अद्धितिय संगम मान्दछन् र सोअनुरुप नै कवितामा प्राण भर्ने काम गर्दछन् । 'धारिला मानिसहरु' यसको पछिल्लो प्रमाण हो । उनी विम्बको पुनरावृत्तिको विरोधि पनि हुन् । 'धारिला मानिसहरु'मा नयाँ नयाँ विम्बहरुको उदय गराएर कवि सिलवालले प्रगतिवादी कविता यात्रामा आफ्नो कलात्मक उपस्थिती देखाएका छन् । तर पनि क्षमतावान कवि सिलवालले शैलीगत प्रयोगतीर आफुलाई अझै अगाडि बढाउन आवश्यक छ र आफ्नै कविताहरुबिच पनि शैलीगत भिन्नता कसरी ल्याउन सकिन्छ भनेर घोत्लिन जरुरी छ । 

लयात्मकता र सम्प्रेषणतालाई राम्रै ध्यान दिएकाले उनका कविता कविताहरुको भिडँमा हराउने नभई छुट्टै छाप छोड्ने बाटोमा अग्रसर देखिन्छन् । 'ङा चेपाङ', 'मागपत्र', 'बज्रपात', 'प्रिय कलाकार', 'प्रिय जलजला' लगायतका कविताहरुमा देखाईएको सन्दर्भबोध र सुझबुझपनाले कवितामा आफु बाँचेको युगको चेतना लिने र दिने नेतृत्वकर्ताको क्षमता झल्किन्छ । 'धारिला मानिसहरु'को सफलताको शुभकामना !





कविता (135) गीत (52) मुक्तक (40) गजल (28) आलेख (7) videos (4) कथा (3)