झोलुङ्गामा शान्तसँग निदाइरहेको छ
युद्धको एउटा कोमल फूल
आउ !
सबै मिली सलाम ठोकौँ ।
यो अनन्त भिरालो बाटोभरी
'रेड कार्पेट' बनेर बिछ्याइएका छन्
हाम्रा नानीहरूका हजारौ शरीर
यहाँ हिड्न ठिक्क परेको छ
'विश्व-बादशाह'को बफादार हात्ती
जुन कुदिरहेछ सिँगो ग्लोबभरी
र पोतिरहेछ राता डोबहरू ।
ठिक यतिबेलै
युद्ध डिस्को गरिरहेछ
हाम्रो मोबाइलमा.
टेलिभीजनमा..
फेसबुकमा...
हामी सडकमा बिछ्याइन ठिक्क पारिदैछौ
र त्यो भन्दा अघि
आफै 'लाइक' हान्दैछौ
युद्धको अर्को बर्बर 'सेल्फी' लाई ।
(२०७६-०९-२३)
0 comments (Click here to Comment):
Post a Comment