परेली बन्द हुनेछ, मन उडेर अत्तर बन्नेछ
तिम्राे नाम मुटुमा खाेपेर याे शरीर पत्थर बन्नेछ
रहिरहनेछ फूलहरू, रङहरू, यादहरू, पलहरू
म जलेपछि मात्र, मेरो जलन मत्थर बन्नेछ
मनकाे धुवा चीम्नी हुदै फुत्किन चाहन्छ
निष्फिक्री त्याे बादलसँग जिस्किन चाहन्छ
गुम्सीएर भित्र भित्रै कहाँ लुक्छ याे मन ?
सुरूङकाे याे यात्रा सकी निस्किन चाहन्छ
बादलुकाे पखेटीमा फूलकाे चित्र लेखेछु
पढ्नु, केही कुरा त्याे मनभित्र लेखेछु
सम्हाल्नु, म मुस्कानकाे एक थुङ्गा पठाउला
जहाँ-जहाँ जान्छु, एक नाम सर्वत्र लेखेछु
हिड्दाहिड्दै भेटियाे एउटा पत्थरकाे मन
पत्थरकै सिमाना किन कट्न सक्दैन जीवन ?
याे रातमा हराउछु र अन्तै बिहानी हुन्छु
म आँगाे लिन्छु तिमिबाट, म खरानी बन्छु
त्यसाे भन्दैमा तिमी न दाेधारमा आउ
बरू आउ, आउ मेराे उद्धारमा आउ
अरूबेला कहाँ यसरी दुख दिन्छु र
म घाटमा छु, आज त केही हतारमा आउ
म जलेकाे पल याे रात पनि जल्नेछ
चुपचाप अध्याराेमै चाँद पनि जल्नेछ
तिमी जलाउनुलाइ प्रेम भन्ठान्छाै
जति जल्छु म, याद पनि जल्नेछ
म पाेलीएर न आखीर सुन बनेकाे हुँ
रेटिएर न सारङ्गीकाे धुन बनेकाे हुँ
जलन अनि तड्पाइले मान्छे बन्दैछु
अध्याराेमा जल्दा जल्दै जून बनेकाे हुँ
म पाैडदा पाैडदै आफै नदी भएछु
महसुस गर्दैछु अलि अति भएछु
खुला आँखामै सजाए सपनाहरू
महत्वाकांक्षी अलि बढी भएछु
एक झाेक्का हावा आयाे, मन बगाएर गयाे
निभिसकेकाे खरानीमा आगाे लगाएर गयाे
खुब साेच्थे, छ मेराे चट्टानजस्ताे मन
यही मनमा काेमल रहर जगाएर गयाे
सामान्य हाे, जिन्दगी जन्मन्छ, अनि रितिन्छ
दुख नमनाउ न यार, याे एक दिन सिद्धिन्छ
मुस्कान भन्दा ठूलो हतियार देखिएको छैन
मुस्कुराएर त हेर, हरेक दुख जितिन्छ
ती चञ्चल यादहरू झन गजवकाे लाग्दैछ
हातबाट छुट्टिएपछि अजिवकाे लाग्दैछ
निकै गाढा बनिदिन्छन् केही विशेष साइनाेहरू
आज टाढिएपछि अझ नजिककाे लाग्दैछ
म जुन धुन बजाउछु, अरूले बजाउन सक्दैन
मेराे दर्दकाे घेराभित्र काेही आउन सक्दैन
म त अध्याराेमै रमाउछु मेराे जुनकिरीसँग
झुटाे जूनतारा म सजाउन सक्दैन
पर्खाइकाे मैनबत्ती लगातार बल्छ
अनि एकदिन याे ढल्छ र सबथाेक जल्छ
अहिलेसम्म गार्हाे भा'छ तिमीबिना चल्न
भाेलिसम्म नि नचल्ला, पर्सीबाट चल्छ
बिजुली चम्कन्छ, हराउछ
मान्छे बिनासित्ती डराउछ
याे मनकाे कुनै भर हुदैन
के के साेच्छ, के के गराउछ
म चाहन्छु जुन नाता, त्यहि ताेडिदिन्छु, गजब गर्छु
याे मन थाम्न खाेज्छ, म हात छाेडिदिन्छु, गजब गर्छु
जिन्दगीकाे चङ्गा सबले खुला आकाशमा उडाए
म पागल चङ्गा, केवल झरीमा उडिदिन्छु, गजब गर्छु
भनेथे नि केहि घडि थप बरालिन्छु
अब त बेला भो, आफै समालिन्छु
कहाँ हुन्छ दैत्य, कहाँ दैव बरै ?
आफै मैलिन्छु, आफै पखालिन्छु
तिमी बुझ्दिनाै, म बताउन सक्दिन
तिमीलाइ म आराेप लगाउन सक्दिन
घर भत्कीएकाे जब थाहा भयाे
निराेजस्तै बाँसुरी बजाउन सक्दिन
याे सपनीकाे सुरूङमा खै कल्ले अँधेरी मिसाएकाे छ
मेराे जून अचानक मेराे आकाशबाट विलाएकाे छ
याे रातजस्ताे बस्तीमा एक्लै रूमल्लीएकाे धेरै भयाे
आसुकाे ओस छ, जल्ले जिन्दगी याद दिलाएकाे छ
त्याे रात खै किन आसुमा रूझेकाे थियाे
चादनीले पनि उजेलीन बिर्सेकाे थियाे
एउटा गरिब हरेश खाई झुण्डीएको रै'छ
त्यहि पीपललाइ उसले देउता पुजेकाे थियाे
जल्दैछ मन्, मनलाइ चुल्हाे बनाएर ताप्दैछु
यादहरू छन् बाकि, छाती जलाएर ताप्दैछु
डढ्दैछ गगन, जहा छन् केही काला ग्रहण
यी पल, खरानीकाे महल, ढलाएर ताप्दैछु
अझै पनि केहि गुरूत्व बाकि छ
याे धमनीमा अझै कवित्व बाकि छ
टुकी पाे निभ्छ, चाँद कहा निभ्छ?
म भित्र अझै 'म-तत्व' बाकि छ
नया शब्द खाेज्दैछु, नया धुन भर्दैछु
तिमीलाइ उपहार दिन, म जून चाेर्दैछु
यी फूलहरूले, याे इन्द्रेणीले !
तिम्राे सपनामा, म रङ भर्दैछु
याे जाे छ नी डर, याेभन्दा धेरै माथी पुग्नुछ
त्याे चाँदलाइ चुम्नुछ, चरीजस्तै उड्नुछ
पर्खाल, बन्धन, सिमा, के के मा बाँध्छौ ?
हर घेराको डोरी एक-एक चुड्नुछ
मलाइ मेराे जिन्दगीकाे एक एक हिसाब चाहियाे
सुम्पे तिमीलाइ पंख सबै, अब फिर्ता उडान चाहियाे
बने म खुला किताब, केरिदियाै, च्यातिदियाै
छु प्रश्नकाे तुँवालाेमा, अब मलाइ जवाफ चाहियाे
पलपल हरक्षण घरिघरि सताउछ
हुरीभन्दा याे पापी दुरी सताउछ
चाहना त सिँगो आकाश समेट्नु थियो
छट्पटाउदै पिजडामा मनको चरी सताउछ
म वालुवामा पनि फूल फूलाउछु
जे गर्दा पनि खुशी कमाउछु
तिमी आउछाै भन्ने थाहा छ
तिमीलाइ पर्खिदा पनि रमाउछु
कहिले घाम चाहिन्छ, कहिले बादल चाहिन्छ
मलाइ हर माैसममा तिमी पागल चाहिन्छ
खै थाहा छैन के जाल बुन्दैछ दुनिया
मलाइ लुक्नलाइ तिम्राे आँचल चाहिन्छ
जिन्दगीकाे बाटाे ओरालाे छ, उकालाे छ
सपनीमा कहिले जून छ, कहिले अध्याराे छ
मभित्र सास जसरी, तिमी त्यसरी छाै
मनबाट निकाल्न तिमिलाइ बहुत गार्हो छ
न ढुँगाले देउता बनाउछ, न देउताले ढुँगा बनाउछ
मान्छे बहुत बाठाे छ, नदी तर्न न डुँगा बनाउछ
कालाे मनकाे वरिपरी जाे छर्नुछ अत्तरकाे झरी
टिप्नुछ कुनैदिन, र त फूलकाे थुङ्गा बनाउछ
तड्पिन्छ मन त्यसै, माया अलि ज्यादा छ
कृष्ण यहाँ एक्लै छ, खै कुन्नी कता राधा छ
याे मन, मेराे जिवन त्याे चाँदकाे नाम गरिदिए
कहिले चाँद विलाउछ, कहिले चाँद आधा छ
कि माटाेमुनी गल्नु छ, कि दाउरामाथी जल्नु छ
जता जता भन्छ जिन्दगी, उतै उतै चल्नु छ
समय तिम्रो, मेरो, अह ! रहेनछ कसैको
बिहान बनी जाग्नु छ, साँझ बनि ढल्नु छ
न सर्माउदै भेट्नु छ, न भक्कानिदै छुट्नु छ
बस् भाेक छ केही, खाना खानु छ र चुठ्नु छ
प्रेमकाे आयु एक घडीकाे मात्र भा'छ अचेल
सँगै सुत्नु छ, सबेरै उठ्नु छ, एक्लै कुद्नु छ
आँसु जम्मै जलाउनु, बस् मुस्कान फुलाउनु
अरूलाइ हाेइन, आफ्नै सपनीलाइ भगवान बनाउनु
यहाँ कहिले छाड्छ आफ्नै छायाले, थाहा हुन्न
छायाबिना बाँच्न सक्ने छुट्टै संसार बनाउनु
तिमिलाइ चाहने काेही आफ्नो छ, याे एहसास गजबकाे हुन्छ
मिठाे बेचैनी हरपल, बिहान दिउसाे साँझ, गजबकाे हुन्छ
जिन्दगीकाे आखिरी लक्ष्य खुशी हाे, यहि मानेर चल्दै गर्दा
सँगै हिड्ने छ काेही खास, याे आभास गजबकाे हुन्छ
तारा नउदाएरै रात आवाद भइरहेकाे हुन्छ
टाढा हुदाँ झन् गार्हो, याद आइरहेकाे हुन्छ
पानी जस्तै समय, कहा सुरू ? कहा खतम ?
नभेट्दा पनि मनबाट सम्वाद भइरहेकाे हुन्छ
भन- कलम, फूल, तरवारमा, के ठूलो ?
मरेपछि चिहान अनि दरबारमा, के ठूलो ?
बिदाइको आसुले धेरैथोक भनिरह्यो
दुलही लाई आमा र श्रृङ्गारमा, के ठूलो ?
म मन निचोरेर धन थुपारू कसरी ?
चोखो भावना र महँगो हारमा, के ठूलो ?
सपनाको बाटो सजिलो हुदैन पक्कै
बिस्तारै पुग्नु वा लड्नु हतारमा, के ठूलो ?
जिन्दगी कति सुखी, खुशी हुने रै'छ
के सानो भनी जोखियो, बेकारमा के ठूलो ?
साभार: https://www.sahityapost.com/2020/08/14575/ (२०७७-०५-१४)
मैले बा'को कविता लेखेकै रहेनछु आजसम्म
बरू ईश्वरको कविता लेखेको रहेछु
आखीर, कुरा एउटै त हो ।
Subscribe to:
Posts (Atom)