पोछा

जुग पुरानो चलनचल्तीको बाल्टीन

फुटेपनि फालिएको छैन ।

यो पुरानो बाल्टीन

भरिएको छ

पोछाको पसिनाले

पोछाको आसुले ।

यहि बाल्टिनभित्र

चोबिन्छ पोछा

निचोरिन्छ उसको जेलिएको लट्टा

र निल्न लगाइन्छ 

संसारभरको दाग-मैलो ।

भविष्यझै अध्यारा घरका 

कुना-कुनामा घस्रिदा-घस्रिदै

गलिसक्यो उनको फलामको ढाड

र सुन्नुपर्छ- "चाडै बुढी भएछौ" ।

दागै-दागको भुइँमाथी 

गर्दै ओहोर-दोहोर

परिसक्यो अनुहारमै पोते

र सुन्नुपर्छ- "कति गर्छौ मेक-अप ?"

म व्याकरण नहेरिकनै भन्न सक्छु

'पोछा' स्त्रीलिङ्ग शब्द हो ।

(साभार: 

https://sahityapost.com/2020/06/9996/ )