सबै छलकपटभन्दा पर
सबै मुकुण्डाेहरूभन्दा पर
जीवन बग्दैछ भने
बाँच्दैछौ सही मानेमा ।
घाँस काट्दाकाट्दै
फाइल बाेक्दाबाेक्दै
मजदुरी गर्दागर्दै
यसै हिड्दाहिड्दै
फक्रिन देउ ओठ
र थपिदेउ एउटा अबाेध मुस्कान
बिना कुनै कारण
बिना कुनै प्रशङ्ग
हर गुनासोहरू भन्दा पर
हर आग्रहहरू भन्दा पर
जीवन बग्दैछ भने
बाँच्दैछौ सही मानेमा ।
चाैरहरूमा दुबाे सँगसँगै
हाँगाहरूमा पालुवा सँगसँगै
पलाउछ हरक्षण खुशी
मात्र मुस्कुराएर हेर ।
खुशी हुनु न जीवन हुनु हाे ।
0 comments (Click here to Comment):
Post a Comment