मलाई प्रेम नदेउ

नदेउ मलाई, अब भ्रम नदेउ
सक्दिन सम्हाल्न, मलाई प्रेम नदेउ

यो यात्रालाई यतै, कतै रोकौ बिन्ती
दोबाटोमा मुस्कुराउदै आजै छुटौ बिन्ती
नदेउ अब भो, क्रन्दन नदेउ
सक्दिन सम्हाल्न, मलाई प्रेम नदेउ

एकदिन, सधैभर, एकनास रहन्न
नाम रहला, सधै सास रहन्न
नदेउ आसु, झन-झन नदेउ
सक्दिन सम्हाल्न, मलाई प्रेम नदेउ

रहर त थ्यो, फूलहरू झै बाँच्ने
केहि पल गुन्गुनाउने, केहि क्षण हाँस्ने
नदेउ भरोशा, धड्कन नदेउ
सक्दिन सम्हाल्न, मलाई प्रेम नदेउ