ईश्वर

Source: http://blogbishad.blogspot.com
धमीराका बस्तीहरुमा
म दिउसै लाल्टीन बालेर
ईश्वर खोज्न हिड्थे
तर अहिले म ईश्वरबाट बच्न
लाल्टीन निभाउदैछु
मेरा अङ्ग अङ्गका सतहहरुमा
नचिनिदो लेप लगाएर लुक्दैछु ।

कहिले बाढी बनेर मेरा बाली सिध्याउन
कहिले किरण बनेर छाला डढाउन
कहिले छाल बनेर घर भत्काउन
ईश्वर मेरो पिछा गरिरहेछ
मेरा बाहुमा अनेकौ रत्न छरिएको छ
सायद पछिल्तीर तरवार होला
मेरा कानहरु मन्त्ररुपी ध्वनीबाट
बुझिने कोसीस हुदैछ
मेरा आखुाहरुमा दृश्य छलिदैछन्
मेरा ओठहरु पशुआशनमा आराम लिदैछन्
अह ! म फस्दैछु भासिदैछु ।

ईश्वर मेरो शत्रु हो
ऊ मलाई दास बनाउन खोज्दैछ
यँहा भोकबिनाका मूर्तीहरु ईश्वर मानिन्छन्
म मूर्तीहरु ढाल्न आउदैछु
सायद सडकमा पहिल्यै कोही पुगीसकेको छ
सायद कोही आउदैछ ।
०६३